Миколар:
зиянкестерге қарсы препарат
Шегірткелерге қарсы тиімді құрал
Миколар
Шегіртке зиянкестеріне қарсы өсімдіктерді қорғауға арналған биопрепараттар
ҚазӨҚжКҒЗИ әзірлеген, сынақтан өтіп, тіркеуден өткен өнім: энтомопатогенді саңырауқұлақтар негізіндегі микоинсектицидтер Миколар-М, Миколар-В.
Зиянды шегірткелерге қарсы күресте қолданылады. Биопрепарат экологиялық тұрғыдан қауіпсіз, зиянкес жәндіктерге қарсы жоғары биологиялық белсенділікке ие.
Қазіргі таңда тіркеуге екі микоинсектицид сауда белгісімен ұсынылған:
- Миколар-В — құрғақ ұнтақ
- Миколар-М — энтомопатогенді саңырауқұлақтардың (B. bassiana және M. anisopliae штаммдары негізінде) құрғақ ұнтақ түріндегі препараты
Миколар-В
Әсер ету механизмі
Биологиялық инсектицид, зиянды шегірткелерге қарсы күресте қолданылады. Құрғақ ұнтақ түрінде, титрі кемінде 5 млрд. өміршең спора/г, энтомопатогенді саңырауқұлақтың Beauveria bassiana BBK-01R2 штаммы негізінде дайындалған.
Биологиялық тиімділігі – жоғары. Шегірткелердің 2–4 жастағы дернәсілдерінде бағаланған, 5×10¹² спора/га титрінде өңдеуден кейін 10–12 тәулікте 90% жойылуын қамтамасыз етеді.
Қолдану саласы, бәсекеге қабілеттілігі, патенттердің болуы:
Ауыл шаруашылығында, шегірткелермен залалданған алқаптарда қолдануға рұқсат етіледі. Өңделетін зиянкестер: шегірткелердің 1–4 жастағы дернәсілдері – азиялық шегіртке (Locusta migratoria migratoria L.), марокколық шегіртке (Dociostaurus maroccanus Thnb.), италиялық прус (Calliptamus italicus L.).
Бәсекеге қабілеттілігі жоғары. ҚР №32395 патенті бар.
Практикалық іске асыруға дайындық деңгейі: 100%.
Техникалық-экономикалық көрсеткіштері: препаратты енгізуден кәсіпорын үшін экономикалық тиімділік 7000–8000 теңге/га құрайды.