дөңгелек үстел:
"NSHS МЫСАЛЫНДА ТҰҚЫМ ӨНДІРУ (ҰЛТТЫҚ ТҰҚЫМ ӨНДІРУ ЖҮЙЕСІ, АЙОВА, АҚШ)"
Бұған дейін әлеуметтік желілерде Біз Сіздерді биотехнология зертханасының жетекші ғылыми қызметкері Шоқанова Ақмаралмен таныстырдық және оның Айова мемлекеттік университетінде тағылымдамасы туралы толығырақ айтып бердік. Үлкен білім қорымен келген Ақмарал өзінің жеке тәжірибесі мен алған білімі туралы қуана бөлісіге келісті. Осыған байланысты, 28 ақпанда жас ғалымдар кеңесінің «Институттың жас ғалымдарының ғылыми қызметін жетілдіру мәселелері бойынша жетекші мамандармен өзара іс-әрекет» атты жылдық жоспарына сәйкес «NSHS (Ұлттық Тұқым Саулығын Сақтау Жүйесі, Айова, АҚШ) мысалында тұқым шаруашылығы» тақырыбында дөңгелек үстел өтті.
Ұлттық тұқым саулығы жүйесі (NSHS)
Ұлттық тұқым саулығы жүйесі (NSHS) – АҚШ ауыл шаруашылығы департаментінің жануарлар мен өсімдіктердің денсаулығын тексеру қызметі мақұлдаған және Айова университетінің тұқым шаруашылығы ғылыми орталығы басқаратын, жеке және мемлекеттік ұйымдарды халықаралық тұқым тасымалдау кезінде федералдық Фитосанитарлық сертификаттарды беруді қолдау үшін қажетті белгілі бір әрекеттерді орындау үшін аккредиттеу бағдарламасы.
Дөңгелек үстелде Шоқанова Ақмарал американдық фитосанитариялық бақылау жүйесін отандық жүйемен салыстырды, олар біздің жүйеден асып түсетінін атап өтті. Бұл бағдарламаға көптеген елдер қатысады, өкінішке орай, бұл тізімде Қазақстан жоқ. Осыған байланысты институттың жас ғалымдары еліміздің осындай күшті және құрылымдық жүйеге қатысу қажеттілігі туралы идеяны бірауыздан қолдады.
Іс-шара соңында Ақмарал шетелдік тағылымдама ғылыми көзқарасты кеңейтетінін, дүниетанымға зор әсер ететінін және көптеген жаңа мүмкіндіктер ашатынын және институттың жас ғалымдарын үнемі білім іздеуге, жаңа тәжірибе алуға және өсімдіктерді қорғау әлеміндегі инновациялар барлығынан хабардар болуға ынталандырып өтті.